新釗記 (已結業)

工作至深夜，之前食既晚餐都已經全部消化哂，唯有落街覓食。但由於都冬天，出面街好大風，所以想搵番間可以坐得耐啲同暖啲既地方。因此，最後我去左新釗記。入到去，燈火通明，見到好多同我一樣黎食宵夜既人。我叫左個餐，叫左個雪菜火鴨絲炆米，而餐飲就叫左個熱檸蜜(唔駛加錢)。個炆米15分鐘度就整起左，即叫即，熱鬧鬧，用料都好足，除左有主角火鴨絲，仲有雪菜，青椒，分量又大，都唔算油膩，味道就不過不失啦。 杯熱檸蜜就有兩片檸檬分量適中。