影片
更多
2021-10-19
567 瀏覽
今日放假，去左石澳行下，原來村內有不少艷麗的歐式小屋，邊行邊影，消磨了一整個下午。回程時，有人提議去東大街晚膳。講起上嚟，都有超過年半冇嚟過東大街，原來「太爺雞」個位換咗間「籠太子點心」。之前喺柏樹街總店幫襯過，點心水準不錯，精緻又抵食，就一於以夜茶當晚餐。餐廳裝潢新穎，以柔和嘅湖水綠為主調，牆身上掛滿了食物相片，全部都拍攝得很精美，令人食指大動。點心走偏高級路線，但價錢卻十分親民。好耐冇食過鵪鶉蛋燒賣 ($28)，呢類懷舊點心，近年真係買少見少。燒賣真材實料，粒粒都份量十足，加上面頭的鵪鶉蛋，更添豐潤，昔日風味盎然。另外呢籠鮮蝦燒賣皇 ($15/2隻) 亦十分美味，皮薄餡靚，食得出大大粒鮮蝦喺入面，饀料紮實，加上可以選兩粒或四粒，啱晒心多多，想試多啲唔同款式嘅食客。生煎包就食得多，今次搞搞新意思，試下呢款辣牛肉雜菌煎包 ($29)。牛肉選用了 Impossible Meat，經過自家調味，再加入指天椒。包身入口好軟熟，牛肉唔會太辣，加上新鮮雜菌，非常適合愛素食的朋友。原隻鮮蝦腸 ($29) 蝦腸做得相當不錯，粉皮晶瑩透薄，能清楚見到內裡的鮮蝦，而且上碟時已切件，方便客人享用。入口
講起上嚟，都有超過年半冇嚟過東大街，原來「太爺雞」個位換咗間「籠太子點心」。之前喺柏樹街總店幫襯過，點心水準不錯，精緻又抵食，就一於以夜茶當晚餐。
餐廳裝潢新穎，以柔和嘅湖水綠為主調，牆身上掛滿了食物相片，全部都拍攝得很精美，令人食指大動。點心走偏高級路線，但價錢卻十分親民。
好耐冇食過鵪鶉蛋燒賣 ($28)，呢類懷舊點心，近年真係買少見少。燒賣真材實料，粒粒都份量十足，加上面頭的鵪鶉蛋，更添豐潤，昔日風味盎然。
另外呢籠鮮蝦燒賣皇 ($15/2隻) 亦十分美味，皮薄餡靚，食得出大大粒鮮蝦喺入面，饀料紮實，加上可以選兩粒或四粒，啱晒心多多，想試多啲唔同款式嘅食客。
生煎包就食得多，今次搞搞新意思，試下呢款辣牛肉雜菌煎包 ($29)。牛肉選用了 Impossible Meat，經過自家調味，再加入指天椒。包身入口好軟熟，牛肉唔會太辣，加上新鮮雜菌，非常適合愛素食的朋友。
原隻鮮蝦腸 ($29) 蝦腸做得相當不錯，粉皮晶瑩透薄，能清楚見到內裡的鮮蝦，而且上碟時已切件，方便客人享用。入口外皮滑溜，蝦肉大隻彈牙，豉油味道剛好，不會死咸。
藥膳雞腳 ($23) 用料亦不欺場，雞腳非常腍滑、肉質唔會過老或太韌，湯底嘅藥材味恰好，不苦澀，滋補養生，大人細路都啱飲。
尾聲出場嘅北菇滑雞飯 ($29) 亦交足功課，雞肉醃得好入味，入口嫩滑有肉汁。冬菇厚肉，而且蒸得夠腍，米飯粒粒分明，不會黏在一起，食落爽身不油。
張貼
