立鮨 (金馬倫廣場)

營業中

休息中

第一次去有多間分店嘅「立鮨」，聽到唔少人講呢間餐廳嘅壽司好好食，就同朋友嚟試下。餐廳好多人排隊，我地6點正嚟到排左半個鐘就入到去。餐廳得企位，4人一枱嘅關係，大約3-4枱4人客基本上都會FULL。餐廳仲有做埋外賣，真係好好生意。今次點左幾款壽司，仲有第一次食白子同拖羅，仲有腦天。白子係女士恩物，仲要係時令食物，冬天食先夠肥美！腦天即係吞拿魚嘅頭頂，一啲都唔腥。拖羅今次點左中拖羅同大拖羅，拖羅充滿脂肪，一入口即刻溶左！如果餐廳可以大啲就好喇，始終日本嘅立食都係快來快去。