影片
更多
2025-02-06
34 瀏覽
今日同朋友去新世紀行完街，朋友提議食下串燒，飲下啤酒，傾下偈。剛巧位置又近太子，就令我諗起之前經過的呢一間串燒店。每次經過都見到人客滿滿，望個餐牌除咗一般串燒店有的款式之外，燒海鮮種類亦都好多，仲有啲出面更加少見嘅小食燒無骨乳鴿，芝士煙肉大啡菇，松葉蟹蓋多士等。呢度嘅串燒即叫即燒，唔會燒到乾柴。店面雖然唔系好大，但坐得好舒服，眼見鋪內大多數的客人都是比較斯文，環境唔會好似其他嘅串燒店好嘈吵，好適合三五知己，閨蜜談天。而且呢度嘅老闆都好窩心，經常會問客人食物嘅味道同質素，同客傾嚇偈，相信座上好多都已成為佢哋的熟客仔，最值得稱贊佢會照顧到每張枱客人進食嘅速度而安排食物慢慢上。當日我哋選擇緊要叫咩嘢食嘅時候，老闆仲送咗兩碗自家制嘅南瓜湯俾我哋😍鹽燒大眼雞$248大眼雞比想像中大條，燒得好有水準，一啲焦燶都沒有，魚肉鮮嫩可口，老闆仲提我地要一定要試埋塊魚皮，系佢哋特別研制點樣去燒到脆卜卜成塊薯片咁，一點之下才知塊魚皮都可以食😂蒜蓉燒蟶子皇$80/只蟶子除咗新鮮同好大只之外，佢哋會把蟶子切開幾段方便細口嘗鮮，配埋蒜蓉同金菇更加有口感燒海蝦$68/3只海蝦大大只，肉質彈牙鮮甜，外殼燒到脆卜卜，咸咸
呢度嘅串燒即叫即燒，唔會燒到乾柴。店面雖然唔系好大，但坐得好舒服，眼見鋪內大多數的客人都是比較斯文，環境唔會好似其他嘅串燒店好嘈吵，好適合三五知己，閨蜜談天。而且呢度嘅老闆都好窩心，經常會問客人食物嘅味道同質素，同客傾嚇偈，相信座上好多都已成為佢哋的熟客仔，最值得稱贊佢會照顧到每張枱客人進食嘅速度而安排食物慢慢上。
當日我哋選擇緊要叫咩嘢食嘅時候，老闆仲送咗兩碗自家制嘅南瓜湯俾我哋😍
鹽燒大眼雞$248
大眼雞比想像中大條，燒得好有水準，一啲焦燶都沒有，魚肉鮮嫩可口，老闆仲提我地要一定要試埋塊魚皮，系佢哋特別研制點樣去燒到脆卜卜成塊薯片咁，一點之下才知塊魚皮都可以食😂
蒜蓉燒蟶子皇$80/只
蟶子除咗新鮮同好大只之外，佢哋會把蟶子切開幾段方便細口嘗鮮，配埋蒜蓉同金菇更加有口感
燒海蝦$68/3只
海蝦大大只，肉質彈牙鮮甜，外殼燒到脆卜卜，咸咸地最適合一口啤酒一口蝦
鹽燒牛舌串$30
肉厚肥美，牛舌又軟又嫩，咸香惹味🤤
西班牙黑毛豬肋串$30
食落一啲油膩感都沒有，肉質煙煙韌韌
安格斯牛牛肋串$30
肉味香濃Juice，又唔會好韌
四季豆$18
保持濕嫩的口感，但不會有草青味。
其他燒物：
豆卜$18
雞翼尖$20
鴨胸串$22
司華力腸$28
羊肉串$22
豬頸肉串$20
整體來說，串燒店的火候調校得非常好，可以保持肉質Juicy且味道出色，服務殷勤周到，地點優越，鄰近旺角睿景酒店前面，附近亦有中港旅遊巴士站🚏最重要是營業到凌晨兩點。宵夜不二之選。
張貼
