雪村串燒 (已結業)

Item: 雪村串燒
Rating: 3
Author: 奧志雷

Kushiyaki Sesson

3.5

73 食評

味道

環境

服務

衛生

抵食

234

九龍塘

$101-200

日本菜串燒串燒店

奧志雷

等級4

2.1K

今晚同朋友仔食飯，因為佢收到夜，所以揀又一城方便食飯囉。係 internet search 過又一城有咩好日本餐廳，見最有興趣都係雪村喇。枱上既擺設都好精緻喎，連裝豉油、海鹽、辣粉既器冊都幾靚。第一次黎，現在晚上九點半多，雪村收十一點，已經無晒食客了，可以包場，哈哈。廚師推介全部寫晒係塊板上面，活魚刺生價錢還可以啦，不過海膽貴得出奇囉。元宵節快樂 ﹗今晚有特別的龍蝦套餐，兩位只售 HKD680 乍喎，都幾抵。不過睇真啲，只有沙律、刺生、炸物、燒物、龍蝦、烏冬、甜品各一款，覺得都係散叫較好，選擇多一點。朋友仔仲未收工，我唯有先 study 吓個 menu 啦。刺生、壽司選擇都幾多，價錢屬中上級。奇怪地反而串燒得雞、豬、蔬菜菇菌，而且較為普通，無咩特別，招牌係雪村串燒喎，但又唔係主打串燒既？嘩 ﹗有和牛刺生呀 ﹗一定要食，正 ﹗八爪魚刺生都唔係游水生猛、即叫即劏又識郁嗰啲既，唔要啦。有白果同生豆腐供應，幾得意喎，海膽燉蛋勁吸引囉。好想 order 個特上刺生盛盒呀 ﹗好多靚野，但兩個人食唔食到呢？睇睇吓 menu 突然一陣非常濃烈既漂白水味道飄黎，我仲以為差不多收檔開始拖地添，原來 writress 妹妹剛放下熱毛巾，漂白水味係由熱毛巾黎架喎 ﹗陣味實在太嗆鼻喎 ﹗漂白水味令人食慾大減，真係要改善一下。味噌蘿蔔凍食，鮮味無渣，夠晒腍，浸得入味又充滿水份，連日本蔥同吃，鮮甜又帶清香。朋友仔仲未到，差不多十點喇，我實在太肚餓，食住前菜頂住先 ﹗凍豆腐沙律配胡麻醬，頭盤先黎個沙律先，似乎好新鮮喎。朋友仔話胃痛，唔食到太多野，唯有唔 order 咁多啦。凍豆腐沙律配胡麻醬，凍豆腐好冰涼又香滑，涼浸浸，感覺爽透，如果配青芥苿汁都唔錯。什菜新鮮爽嫩又多汁，配上香甜既胡麻醬就更開胃啦 ﹗牡丹蝦刺生，超新鮮，好耐無食過咁新鮮既牡丹蝦喇 ﹗肉爽彈而極具黏性，係超新鮮既證據 ﹗味道鮮甜，豐富既蝦膏甘香無比，正呀 ﹗三文魚腩，色澤光亮，顏色吸引，十分肥美，入口香甜嫩滑又無根，食極都唔夠呀 ﹗油甘魚腩，魚油超級豐富，甜到不得了，魚肉鮮甜甘香既味道留係口腔中久久不散 ﹗加上即磨鮮山葵，更能提升魚既鮮味 ﹗特別鮮甜又不嗆喉 ﹗海膽軍艦，幾片巨形海膽刺生，見到已經留晒口水 ﹗聞一聞、索一索，海膽好香呀 ﹗點少少山葵豉油即刻整件啪入口，海膽既甘香跟壽司飯既酸甜非常夾。飯煮得好，乾爽嚥靭既飯粒，醋香甜而不過酸，好好味呀 ﹗和牛壽司，必食 ﹗質感滑溜有趙口，味道香甜，肉汁又豐富。淡淡新鮮牛肉甜味跟脂肪香味混和，好鬼正 ﹗喜歡配上少少薑蓉及日本蔥花就更爽喇 ﹗飯團呎碼適中，飯粒乾爽而嚥靭，醋味香甜又不嗆，恰到好處，好滿意 ﹗特級吞拿魚腩，有點失望，紅色魚肉都夠甜美又香口，幾好啦，不過有點筋喎。始終粉紅色吞拿魚腩既口感同味道都比紅肉好上百倍，粉紅色澎湃既魚油、嫩滑比比既質感 ﹗原條穴子海鰻壽司，魚肉軟滑，可以燒得再香啲，味道不過不失啦，無咩特別，一試無妨。汁燒比目魚，經常食鹽燒鯖魚、秋刀、三文魚、油甘魚有點悶，見到有靚比目魚即 order 啦 ﹗魚肉燒得滑溜多汁，雪白有光澤，魚味清香，好味道 ﹗個汁就比較濃左少少，偏甜左喇。鹽燒牛舌，都係厚切既口感同肉汁較出眾，依個牛舌都唔差，燒得香，牛舌爽，味道濃，好食。鹽燒豚肉蕃茄卷，必食 ﹗估佢唔到兩者個味道非常配合，鮮甜多汁既車厘茄配上濃郁肉香既豚肉洒上海鹽，撞得精采 ﹗跟串燒既梅子醬及和牛醬，似乎梅子醬更出色。軟殼蟹天婦羅，都係有個通病，似炸軟殼蟹多過係天婦羅囉。last call 既天婦羅似乎有點硬了 ﹗收檔前既炸油比較渾濁啦，炸出黎既顏色偏深，味道有點濁。炸得倘算乾爽，軟殼蟹香口而且蟹膏非常豐富，整體算合格啦。我要真正既天婦羅啊 ﹗薄薄一層淺黃色既天婦羅包住，只係好似著左件雪紡衫一樣，而唔係好似著左盔甲囉 ﹗依家都過左十點半喇，可能如果早啲食的話，品質會更好。