鋿晶館

營業中

休息中

📍 鋿晶館（荃灣）估唔到夜晚都會有咁多人飲茶🫖越夜越多人傾偈吹水邊飲茶邊食點心🥧已經係香港人宵夜嘅一部份😍✨四寶滑雞扎每次飲茶一定食雞扎，必定唔會令我失望😆原條蟹柳，粗大嘅金華火腿，加埋豬肚餡料豐富到食一舊已經飽咗😌✨ 蟹籽燒賣皇燒賣王較正常大粒，肉感充足。✨原籠蒜香石斑件蒸飯石斑切咗件飯面蒸，淋上魚嘅甜豉油，每粒飯都吸收晒魚嘅精華，魚肉新鮮嫩滑 ，冇乜細骨，亦都唔會好腥，仲要原籠蒸，鮮味十足😍✨無花果南北杏燉雪耳唐排秋天滋補湯水 不得不飲無花果雪耳 為皮膚或者喉嚨滋潤一下！整個湯都好鮮甜，肉味都好濃郁！✨煎蘿蔔糕一絲絲嘅蘿蔔，煎得好脆口嘅蘿蔔糕，配埋冬菇、臘腸嘅餡料，沾點海鮮醬，真係好好食🩷✨香茜牛肉腸皮薄料多，基本上成份牛肉腸都係牛肉，牛肉嫩滑爽口，仲好濃郁嘅香茜味🤭✨流沙奶皇包麵皮細緻，內餡濃郁蛋心濃醇，令內餡帶有清雅獨特的鹹香風味🥯✨煎釀虎皮尖椒炸衣顏色呈亮澤嘅鮮綠色炸辣椒吃落唔會嗆，有淡淡椒香同微微辣內層醃滿鯪魚肉，肉汁飽滿🐟✨暖身提氣薑汁糕充滿薑汁嘅味道，女仔食咗喺冬天可以暖身😍