新宏利粥湯飯

營業中

休息中

新宏利粥湯飯係隔離新宏利粥麵嘅新舖，除左有粥外，仲有新推出嘅湯飯系列，但而家天氣凍返，梗係要食粥暖一暖胃啦，湯飯就留返下一次再食過。碎牛粥一上枱嘅時候仲係紅卜卜嘅，但只要D 牛肉浸落去粥度一陣就會熟晒=]滑牛鯪魚球生滾粥滑牛夠大塊，咬落去鮮嫩彈牙，牛肉味濃，而相比之下鯪魚肉就普通左少少，不過都唔錯嘅。炸兩味道一般，但係呢度勝在甜醬同一般唔粥店唔同，用嘅係海鮮醬，所以味道更好。四寶有豬皮、蘿蔔、魚蛋、豬紅，四款入面我最鐘意嘅就係豬皮，因為勁爽口。