建榮特色桑拿菜火鍋店

營業中

休息中

是日同朋友行大欖涌水塘千島湖，由元朗大棠上山，喺屯門落山。行左成日，要食返多啲野補充體力。-海皇雜菜煲 $128由於係用砂煲，上菜嘅時候成個雜菜煲仲係「卜卜卜」，真正新鮮滾熱辣。叫得做海皇，海鮮當然必不可少，鮮蝦大大隻，鮮甜彈牙，蜆肉大粒，魷魚亦好爽口。蔬菜方面亦好新鮮，有菜心、白菜、木耳等等…..湯底因為有海鮮嘅關係，所以比一般雜菜煲鮮甜，用嚟送飯一流。-脆皮原隻豬手 $118原隻豬手拆埋骨，勁貼心，皮脆肉嫩，豬皮脆得嚟唔硬，加埋醬汁一齊食，好惹味。-椒鹽鮮魷$108 鮮魷爽彈，炸得金黃香脆，炸粉唔厚，椒鹽香得嚟亦唔會好鹹。