翠華冰廳 (已結業)

十一點多，好多餐廳都仲未開，行過翠華，見裝修幾靚，於是入去試下。點了一個A餐，豬扒配薯菜。賣相幾吸引餐湯是周打湯，有薯仔粒、洋蔥粒、碎椰菜，同埋好似有少少火腿肉碎，不太鹹如果可以杰返少少就更好。主菜是煎豬扒，好腍同有肉味竟然有兩大塊 差點食唔晒。個汁有很多碎本菇，感覺幾新鮮同健康。粗薯條好正大大條，熱辣辣，但唔油膩，又夠薯仔味。而且佢冇落鹽，可以自己調校鹽的份量，或者伴茄汁食又得。奶茶夠濃夠滑，可惜我食得太慢，擺凍了，嗅不到茶香順帶一提，門口有麵包賣，係自家即埸焗製，現時買二送一，好抵，所以買埋麵包，又食又拎