荷里活冰室 (兆禧苑商場)

營業中

休息中

呢日去屯門探兩老，唔想煮飯，就同佢哋去呢間茶餐廳食嘢。餐廳裝修好光猛，乾淨企理，我哋被安排坐卡位，寬敞又舒服。我哋叫咗呢幾款食物，全部都好好食。泰式菠蘿雞粒炒飯:個炒飯送到嚟香噴噴，又大碟，啲飯炒得粒粒分明，菠蘿清甜，雞肉夠嫩，重有肉鬆配搭，食落醒神開胃又滿足。沙嗲金菇肥牛煲:好惹味！金菇夠爽口，肥牛牛味重又鮮嫩，沙嗲醬濃郁，配埋菠蘿、青椒、紅椒、芽菜、粉絲，口感一流。花生西多士:個西多外酥內軟，香脆的外皮加上濃郁的花生醬，係美味既甜品，令人食唔停口。