火雞姐嗱喳麵 (E-Max) (已結業)

嚟到九龍灣嘅emax諗住四圍睇下有咩食啦，遠遠就被火雞姐個招牌吸引住，等我試下火雞姐係乜料先😛😛車仔麵有唔同嘅餸可以選，有9蚊同14蚊嘅配菜，醬汁方面都有6款可以選擇，有選擇困難嘅朋友就可以選小強嗱渣麵或者火雞姐嗱渣麵，咁就唔使逐款餸去挑選啦🥰🥰🤤我叫咗個火雞姐嗱渣麵，預設咗有五個餸，有豬紅。蘿蔔，魚蛋，豬皮同埋豬大腸，湯底好濃郁，飲落竟然仲係甜甜地添，好開胃。每款配菜都好入味，特別係豬大腸同埋豬紅，好滑好好食喎。米線就完全吸收曬湯汁嘅味道，惹味非常😁😁🤗👍👍