柳氏家 (已結業)

去到個時如果叫happy hour 就得返1個鐘頭度就要交枱，所以我哋5個人最後叫左100分鐘個款任食，唔包烤肉所以冇得拎菇類個啲去燒。但前菜啲粟米，泡菜，酸瓜，沙律都唔錯。炒飯唔會太乾或者起曬飯蕉，側邊仲有菜同好食嘅年糕，尤其紫色個款特別好味，年糕夠晒黏韌，但又唔會好難咬斷。🤤 另外啲炸雞同雞翼都唔錯，幾款味道都可以。絕對可以食雞食到飽，炒飯亦都可以添加一次。餐廳環境乾淨，返到屋企啲衫都冇油煙味，可能因為店內有分開烤肉區而我哋又坐得離開個區。中間有漏單情況出現，但店員有幫手處理。