一品星廚 (已結業)

灣仔最近開咗好多間新餐廳，上次去大王東街Bakehouse時經過呢間小店。員工有禮地出嚟介紹， 得知原來這裏的大廚十分有名氣，曾在中環Ritz Carlton酒店及養和醫院canteen任中菜部廚師。 最近幫襯兩次都十分之好食。這裏的菜式款式不算多但係比較精， 鑊氣十足，味道一流👍🏻推介:炒貴叼 $88，夠鑊氣，味道剛好不會太辣，配料有蝦，雞蛋，芽菜，洋蔥，紅椒，火腿，白芝麻，香氣十足，食過返尋味! 星洲炒米 $88，配料同貴叼差唔多，加咗青椒絲，冇咗芝麻。芥蘭炒牛肉 $88 ，出色之作 ，牛肉夠淋，芥蘭煮得剛好，唔會硬，芥蘭冇苦味。我仲有好多其他菜式想食例如招牌雞煲，魚香茄子煲咕嚕肉，乾炒牛河，羊腩煲。外賣仲有九折。食物味道一流，服務有禮，值得推介的餐廳！