金功夫點心火鍋 (已結業)

金功夫自從上一次系第一次食，食完之後就一直都對佢念念不忘。上一次食雖然系兩個星期前，不過我已經覺得好似過咗好耐咁，果種味道一直都記著，今日終於又有機會嚟食啦！！~~~今次嚟竟然仲有個一蚊雞湯底，咁抵食，梗喺唔可以放過佢啦…呢度既炸響鈴爆脆口，放入火鍋燙一燙就好快可以食得，口感鬆軟中又很爽脆，好好味呀日本黑豚肉，竟然同肥牛有幾分相似。不過佢嘅肉比肥牛要厚，而且肥肉部分少啲，滾完出嚟係滿滿嘅豬肉濃香！！一定要提下個1蚊雞湯底，真係唔話得啦~~點菜紙上邊寫著1蚊，我都係麻麻地信…點知上嚟之後真係覺得物超所值吖！！！入面有瑤柱、冬瓜同埋好多滑雞！！！打火鍋當然唔少得食各種丸啦，醬爆牛丸、墨魚丸、蟹粉丸…應有盡有，當中既芝心醬爆牛丸 就係我既最愛，外層牛肉濃香又彈牙，入面軟心芝士香夾滑，雖然成$10粒，但都覺得真心好抵食，絕對唔係平時個D平價味道，Good！