聯發福食飯店

營業中

休息中

工作到深夜，大家都未食飯，最後同事帶我哋到呢度食晚飯，附近可以泊車，去到一個殘舊冬菇亭，講真環境一般，有啲貓叔味，大圓枱有木轉盤，枱面都有啲黏，有室內冷氣房，比較光猛，我哋方便睇車無入去！好快落單！見住開放式廚房廚師煎炒煮炸！鹹香花生：新鮮無溢味！落鹽粒好好味！例湯：夠熱老火湯，下火土魷蓮藕湯香煎墨魚餅：煎得外脆入面彈牙，點埋啲泰式醬仲正！西檸雞：雞肉炸漿太多，雖然脆但食唔出雞味，西檸醬酸酸甜甜，杰身掛雞能力唔錯！好味！椒鹽炸菇：第一次食炸菇，炸漿唔厚，菇大條炸完唔乾，食落微脆煙韌，點少少喼汁已經好好味！粟米班塊：班塊唔乾，淋咗粟米汁微脆，粟米落得多，香甜好味！小炒王：西芹爽脆，蝦肉同魷魚都新鮮，蝦爽口，魷魚有咬口！腰果爽脆！好味！芥蘭炒牛肉：牛肉嫩口味濃，芥蘭爽脆！好味！豆豉鯪魚炒油墨菜：油墨菜嫩綠爽脆，豆豉鯪魚鹹香！好味可樂：支裝汽水夠汽！白飯：太濕，太碎！唔好味食物夠鑊氣，味道唔錯，而且份量幾大！店員好好笑容，大家食得盡興！雖然環境一般，食物唔錯！廁所要去附近嘅公廁！