咖啡灣 (已結業)

上次響將軍澳新都城二期，經過呢間咖啡灣，已好想試，但上次已食飽，今次下午特登來食lunch, 門口有個摩天輪裝飾，已非常夢幻，見到午餐牌，都係六、七十蚊，好抵食，叫了兩個set, 先來香濃羅宋湯餐湯來講非常足料，有好多粒牛腩，腩肉仲有筋，好稔身，成碗湯有半碗都係肉，好豐富。朋友就叫了沙律，用了胡麻沙律醬汁。北海道咖喱汁配手打和牛漢堡扒煎蛋飯$78，飯用上了日本珍珠米，厚厚的和牛漢堡扒，好稔身，半生熟太陽蛋同咖哩汁用來撈飯，好夾，不知不覺已食晒食碟飯。另一個set 係櫻花蝦明太子意大利粉$68，面鋪了章魚碎，令意粉增加鮮甜味道，醬汁creamy, 黏滿意粉。小食叫了黃金右翼$72，潮流興食咸蛋黃，成隻雞翼都充滿咸蛋黃，夠香濃既蛋黃汁配上大大隻雞翼，好入味。飲品加$11叫了焦糖燉蛋咖啡，面有脆脆焦糖，咖啡幼滑。另外加了$18叫特飲，檸檬藍蝶花，同樣好夢幻的紫色，飲落飲檸檬汁。唔夠喉，再叫多個熱帶水果茶，見到用了名牌茶包TWINING ENGLISH BREAKFAST TEA,已藉回票價，生果也足料$48超抵飲呀！下次來飲野都好，呢度特飲多選擇，店員服務又好，坐得好舒適。