Purple Cafe (已結業)

見到呢間咁新嘅餐廳 ，見到仲要勁靚，雖然好想入去影相，但都係希望嘢食都一樣咁好水準。都冇失期望！紫尊星空雪好靚嘅顏色，襯返晒成間店舖嘅顏色！雖然都以為打卡，但飲落係紫薯味都好濃，睇得又飲得。蔚蓝星空雪椰子味，紫色加藍色超靚！😍嘢飲加埋環境影相感覺好夢幻。蟹柳明太子意粉明太子滿每一條嘅意粉，忌廉嘅份量啱啱好，份量都足夠兩個人share。黑松露藤菇意大利飯有驚喜！黑松露味好濃，加上意大利飯好芝士味，食到一半都好飽肚。食食吓見到好多人影相，一直都感覺係好夢幻嘅地方食飯🤣早啲嚟到個搖籃冇乜人影相，影落多d pose冇甘尷尬丫ma🤣