咖啡灣 (荃灣千色匯) (已結業)

放工後零舍肚餓,同同事見到依間充滿少女夢幻氣氛嘅cafe,諗都唔諗就決定一試。一見Menu我哋都比依兩杯飲品吸引到心心眼,綠茶鮮奶上嘅三眼仔圖案好可愛。燒焦糖燉蛋鮮奶亦好特別,奶泡上被燒到金黃色嘅焦糖搭配上令人醒神latte。原隻軟殼蟹雖然並唔係好大隻,但係炸得酥脆香囗帶有少少蟹肉。意大利麵軟硬適中醬汁夠creamy黑松露味亦突出。酸酸甜甜嘅番茄醬令人越食越開胃,意粉嘅配菜仲有蘑菇片,大蝦亦新鮮爽口。每個女仔不論食得幾飽都對於甜品有兩個胃,跟何況係面對依個充滿少女風味嘅夢幻窩夫,外脆內軟嘅窩夫配上Oreo餅乾,棉花糖同朱古力醬再搭上雪糕一暖一凍嘅口感更有層次。