荔苑樂園餐廳 (已結業)

今日係網上見到呢間以荔園為主題嘅餐廳覺得幾特別，跟住同同事係佐敦食完飯，就一齊去試下佢個甜品。係去到舖頭嘅時候，我就俾佢個裝修吸引，雖然我未去過荔園，但聽屋企人講果度係令人開心嘅地方。當我入到去舖頭，我發現內裡裝修都充滿荔園嘅元素，令人有置身荔園嘅感覺。跟於由於事前我已經諗好食啲咩，我地就即刻叫果個甜品(天奴夢幻樂園)，之後一上枱我發現其實就係雜果加爆谷再加雪糕，再加上用大LEGO砌出黎嘅器皿，視覺上黎講，都算真係幾正，影相又靚，最緊要係夠晒特別。但係由味道上黎講，就真係一般般，雪糕淡淡地，爆谷又淋淋地，雜果又酸酸地，成個野個味道真係比較一般左啲。