Error19 夢幻烤魚場 (已結業)

一家大細出去食，當然要食啲屋企整唔到嘅嘢，呢一間烤魚就係我私心嘅推薦。四個人叫兩條試晒兩種口味，一大一細。香濃蕃茄烤魚，味道濃郁啲，蕃茄俾人嘅感覺亦都相對健康啲，酸酸甜甜。另一條鮮青椒烤魚，當然要揀個辣嘅味道，青椒味道冇咁油，辣味亦都夠出！唔夠飽嘅朋友，可以加啲蔬菜，寬粉呢啲配料，相信會更入味！魚肉全部都係炸過，食落去嘅時候，由於有鍋底熱住，所以更加滋味！食得烤魚，當然要叫番啲嘢飲解解渴：玫瑰梳打，藍柑橘梳打相當吸引眼球，玫瑰味道飲落去較為清甜，藍柑橘就較為清新！