魔術兔曲奇 (已搬遷) 新店位置

臨近新年要準備送禮，試過幾款唔同嘅曲奇餅，呢間都覺得幾唔錯。首先佢嗰個曲奇餅罐設計得好精美好靚，睇見都覺得好味好吸引，小朋友一定鍾意。我買咗罐粉罐五味，個罐係粉紅色嘅，印有兔仔圖案，打開個罐見到有五隻顏色嘅曲奇餅已經覺得好吸引。啲曲奇食入口好鬆化，口感好好。五隻顏色係五隻味道，有升級抹茶拿鐵，抹茶味好濃，仲有香濃咖啡味，鍾意飲咖啡嘅朋友唔可以錯過。蘇格蘭特濃黃油，好香牛油味，本身鍾意食曲奇餅嘅人一定會好鍾意食。我嘅屋企人就比較鍾意食紫薯香芋，呢個口味都比較特別。我自己呢就係鍾意食比利時朱古力啦，朱古力味濃得嚟唔會太甜，真係唔錯。