曲奇童話

營業中

休息中

曲奇童話喺香港都有好多分店㗎，今次我就專程去到銅鑼灣分店，而家銅鑼灣Sogo都有得賣😍佢哋嘅月餅同軟曲奇更加係有唔少好評。四喜禮盒🥮奶黃月餅奶黃入口濕潤，奶香都好豐富，餅皮又薄，唔怪得咁受人歡迎。🥮柑橘伯爵茶月餅除左茶香之外，仲有柑橘既香甜，味道非常豐富。🥮綠茶玫瑰紅豆月餅紅豆同綠茶真係絕配呀，好味。🥮雙重朱古力月餅朱古力嘅層次感豐富，味道非常香濃，好好味呀。軟曲奇方面，佢哋有麻薯軟心曲奇，同一般軟曲奇。🍪麻薯曲奇既口味有：花生麻薯，朱古力麻薯，綠茶栗子麻薯同伯爵茶麻薯。🍪麻薯入口幼滑，仲唔痴牙添，令到成個軟曲奇口感非常豐富。當中朱古力同花生味道比較重，其餘兩隻味嘅味道就比較清淡，適合鍾意食唔同口味嘅人。🍪軟曲奇嘅口味有：雙重朱古力，綠茶開心果南瓜子，鹹蛋芝士同玫瑰草莓。雖然冇咗麻薯，但軟曲奇佔嘅份量多咗，可以清楚咁感受到軟曲奇既魅力。當中我覺得最特別嘅莫過於係鹹蛋芝士，鹹蛋味非常香濃，配上芝士嘅味道令到成個軟曲奇有少少鹹味，好有特色。