華記士多 (已結業)

以往係筲箕灣返工，間中會幫襯呢間食店。佢既咖哩蛋包飯真係一流，炒飯底，加上流心一樣的蛋液，同出面既高級日式餐廳有得揮。但最重要是價錢親民，日日都可負擔到。今次老婆心掛掛想食，我地二話不說即時係屋企搭車出發。去到幸好不用等位，老婆選了咖哩蛋包飯，我選了咖哩芝士蛋包飯。咖哩芝士蛋包飯上台，見到如溶岩一樣的流心蛋液混合咖哩汁，心裡即時報以微微一笑。再往嘴裡送一口飯，咖哩的微香、流心蛋液的嫩滑、芝士的咸香、再加上炒飯底，簡直是夢幻組合。