XOXO Café Lab (已結業)

好多朋友食野講求快靚正,其實餐廳環境都可以食飽人,今次帶住小胖女黎到九龍灣呢間XOXO CAFE 食返餐別樹一格既晚餐,黎到時岩岩撞正餐廳以萬勝節做主題既佈置,非常之有心思,而餐廳環境亦都佈置到每一個位都好似一間小房間咁,呢到真係要讚當然小胖女唔會點去研究,立即落order叫野食啦,第一樣叫既係All Day Sandwich(韓牛+煙肉)黎到超巨形之外,味道亦非常好,醬汁配上食材咬落啖啖肉,之後當然唔少得叫返個餐廳主打既泡泡飯啦,由於制作需時,要食既朋友要早d落定order啦入面食材為鹽酥炸雞,外面由相信係以梳乎里做法整成既外殼包住,入面食落就好似石頭鍋飯咁,非常特別,當然唔會放過叫埋個紅燒牛肉湯餃子啦,牛肉湯好夠味,餃子亦都肉料十足,而呢到既飲品亦都別樹一格,小胖女叫左杯芒果青蘋果果茶,而我就叫左杯藍橋荔枝水果茶,兩杯野賣相吸引,飲落亦都非常清新,解油一流最後就叫左個熱帶生果冰花蜜語做甜品,有小弟最愛既棉花糖另外亦都有好多生果同雪糕我地,食完之後飽到唔想郁咁濟加上餐廳坐得太舒服,十分岩情侶扮文青打躉