影片
更多
2020-06-11
7238 瀏覽
其實，上次老婆嘅生日飯都常帶佢嚟試，不過，種種原因就打消咗。今回就因為要落去荔枝角攞手機，所以，就順道會一會呢間「 研究所」，研究研究一下佢哋嘅素食喺點。因為星期六都唔喺返工日，諗住嚟食個晏，但估唔到都比預期多人，不過，咪睇門口企咗好多人，佢哋唔喺等位，只喺望緊有咩揀，因為呢度有少少快餐營運模式，晌出面收銀落單、俾錢，之後等攞嘢食。入到餐廳裡面，地方都幾大吓，唔算有咩裝修，光管、吊扇、鐵窗、懷舊擺設……等等，帶有一種懷舊風；不過，相信都喺因為由廠廈改建，保留番原有設定而已。亦因為窗口上擺放咗好多書籍、掛咗一張驗眼嘅E字牌、加上餐廳尾嘅大黑板，有人會覺得喺帶學院風，話晒佢都喺「研究所」嘛。然而，枱櫈嘅風格，就俾我嘅感覺喺食堂風，就當嚟咗學校嘅飯堂食餐飯。而防疫措施方面，餐廳都有做番足基本嘢。服務方面，由於呢度都喺自助形式，由落單、取餐、收拾都喺客人自己搞掂，所以，都無咩服務可言。而一入門口，量完體溫，俾個餐牌你兼講兩句就喺咁多，快到基本上唔喺好知佢講乜，只好埋位再研究。但佢哋嘅態度都OK嘅，再有問題問，佢哋都樂意答你。午餐嘅選項都非常之多，全部都定價$75，包一款主菜，餐湯同埋沙律就任取
入到餐廳裡面，地方都幾大吓，唔算有咩裝修，光管、吊扇、鐵窗、懷舊擺設……等等，帶有一種懷舊風；不過，相信都喺因為由廠廈改建，保留番原有設定而已。
亦因為窗口上擺放咗好多書籍、掛咗一張驗眼嘅E字牌、加上餐廳尾嘅大黑板，有人會覺得喺帶學院風，話晒佢都喺「研究所」嘛。然而，枱櫈嘅風格，就俾我嘅感覺喺食堂風，就當嚟咗學校嘅飯堂食餐飯。而防疫措施方面，餐廳都有做番足基本嘢。
服務方面，由於呢度都喺自助形式，由落單、取餐、收拾都喺客人自己搞掂，所以，都無咩服務可言。而一入門口，量完體溫，俾個餐牌你兼講兩句就喺咁多，快到基本上唔喺好知佢講乜，只好埋位再研究。但佢哋嘅態度都OK嘅，再有問題問，佢哋都樂意答你。午餐嘅選項都非常之多，全部都定價$75，包一款主菜，餐湯同埋沙律就任取任食，平日會包基本飲品，但周末需額外加錢。
落好單，俾部「咇咇機」過你，等佢響，主菜就有拎，當然喺出去自取。
而餐具、拎前菜嘅碟都放晌枱上，欣賞佢哋啲餐具放晌有蓋嘅膠盒內，不過，啲碟就咁放晌枱，無遮無掩，遇着有咩隱形患者晌度高談闊論，咁耐以嚟無搞出啲群組爆發都算喺好彩。所以，想安心啲，就只好自行消毒清潔吓。
此外，晌出面近取餐櫃枱，就仲放咗好多調味料，中西式都有。
餐湯上文都提及過餐湯同埋沙律喺任食，我見以前有啲食評話有埋糖水，但依家就無喇。餐湯放埋晌一個唔顯眼嘅角落位，有啲客都無留意到。
而是日餐湯喺龍利葉枇杷葉南北杏煲雪梨，雖然喺素湯咋，味道唔會「淡茂茂」，味道幾清潤吓添。
沙律吧當然唔可以跟去自助餐嘅比啦，不過，都有10款選擇，但喺，補充勁慢，幾次出去睇，好多都喺吉盆，某幾樣手功嘢就梗喺唔見影，嚟嚟去去都喺烚甘筍、車厘茄、沙律菜、罐頭貨紅腰豆……等等，吸引力好一般。
蒸馬蹄肉餅飯配甜酸齋 $75老婆極少會晌出面食蒸肉餅，因為，絕大多數點都會撈啲肥豬肉，就算我哋本身都好少整，所以，當發現餐牌中有蒸肉餅就立時好想試試。賣相好似飲茶啲盅頭飯咗，份量較合女生，大食啲嘅可能會唔太夠食。
肉餅中嘅「豬肉」喺用咗「新豬肉」，呢種「新豬肉」晌Green Common都食過，所以，又唔會太陌生。實際上，啲馬蹄蒸肉餅口感極像真，唔講喺素嘅，都幾以為食緊豬肉，加上馬蹄令肉餅增加咗口感，整體感覺幾唔錯。
唔知喺咪連店主都覺得個「盅頭飯」份量少，仲配咁咗份酸齋，感覺就唔喺好搭配，但獨立嚟講，啲甜酸齋幾好，因為唔喺平常齋鋪食嗰啲「染色」貨，而喺豆卜，再推個甜酸汁落去，感覺較自然。
椰香馬來咖喱羊腩配麥香抓餅跟飯 $75有睇小弟嘅食評都知，小弟都幾好羊，加上喺「素羊腩」，就更加要試吓啦。成份咖喱羊腩做得有辦有眼，兼且份量十足，又抓餅，又白飯，實食到你飽晒呀！
椰香馬來咖喱羊腩配麥香抓餅跟飯
$75
39 瀏覽
1 讚好
0 留言
抓餅粗糙咬落極具煙韌感，甚富麥香，再用嚟沾咖喱食就更一流。我寧願飯就唔要，俾多一、兩抓餅過我仲好。
柚子紅菜頭汁 +$15上文都講過，周末嘅午餐唔包飲品，而餐廳都有提供清水，餐湯又任飲，但見餐牌中有款健康特飲，所以，都唔介意額外加錢試試。紅菜頭嘅味道本身唔重，所以，入口以柚子嘅香味為主，味道天然，口感清爽。
除咗取餐自助，食完嘅餐具、托盤等都喺自助處理，麻煩食客收搭好拎到去餐廳尾嘅收集處。
素食一向都唔喺平，但75蚊，無加一，任食沙律、任飲餐湯，加上菜式都喺健康嘢，呢個價絕對喺划算，喺想食得健康朋友嘅「素」求。
張貼
