金滿庭京川滬菜館 (時代廣場) (已結業)

食物質素一向都已經一般，服務只有經理級的人叫做有禮貌啲。侍應喺上菜嘅時候好似唔識上菜咁，一味喺度搵個位塞咗餸菜上枱就算，又要食客自己 幫佢將啲碟搬嚟搬去都無所謂了，但侍應見我地幫搬碟搬到佢有個位擺啲餸上枱，佢就轉身走咗唔理我地…可能只係個別侍應的服務啦，佢服務我哋嗰下好似成日遊緊魂咁。食物方面，菜式送到上嚟都仲係叫做溫熱，味道一般就唔再提了，但值得一提係佢個松子黃魚。咁松子比較貴落得少我都理解，但係我又真係估佢唔到會落埋三色豆落去，松子黃魚睇起上嚟個色水係好似好咗，但係成個感覺就流咗，咁佢都有落啲尾指指甲咁上下大細的蝦仁嘅。坐位方面唔討論了，因為今晚坐得近大門口，嘈少少係正常嘅(個知客)，座位間距都比較寬闊所以都唔係好聽到其他食客對話嘅。整體嚟講都係叫做好一般，以佢嘅價錢嚟講。以一般茶樓嚟講佢嘅服務同食物質素都叫合格但以佢嘅價錢同格調來講就真係麻麻地。不過就真係大不如前了比起佢仲係喺10樓開業無幾耐嘅時候。以前啲菜式都唔錯架，但而家好多都無咗了。