麥當勞 (已搬遷) 新店位置

係又一城睇完戲，朋友話想食雪糕，於是去咗麥當勞。見到店入面poster,有個新款抹茶雪糕，個樣幾吸引，所以叫左一份，再加錢要多個件藍莓芝士蛋糕。因為用點餐機點餐，所以可以搵個位坐，等人送過嚟。店員放低個餐嘅時候，O晒嘴，同poster個樣差天共地，用個紙杯裝住抹茶雪糕同oreo餅碎，一啲都唔吸引。雪糕完全食唔出抹茶味，同麥旋風差唔多。個件藍莓芝士蛋糕都麻麻地，食兩啖已經食唔落去。今次中晒伏，下次都係食返麥旋風好過。