九井壽司 (已結業)

工作前又係要搵野食，食飽先有氣力做野！呢間用新幹線自動送餐既餐廳就岩哂我同朋友2個大細路！九井壽司係用平板電腦落單，每次落單夠4款仲可以抽獎！我地好好彩中左支益力多呀！然後食物就陸續送到啦！我地望到自動送過黎都覺得好好玩，更何況小朋友呢🤪🤪我地而家係下午茶時間，所以有d下午茶套餐可以叫！我地自先叫左2款特價小食，就係八爪魚同螺肉，每款都係$8幾抵！下午茶套餐我地叫左迷你海膽三文魚定食，包括左餐湯同埋沙律！三文魚都幾厚切，新鮮味美！海膽都鮮味！麵豉湯裏面仲有蜆肉呀！我地另外仲叫左花之戀壽司、赤貝壽司、三文魚腩壽司、象拔蚌壽司！每一款都唔錯！最後果個燒魚乾都好好味，燒得好香，少少脆，沾埋沙律醬食真係停唔到口原來餐廳仲會有禮物送比小朋友，仲可以自己揀，呢間餐廳真係好適合一家大細黎呀