影片
更多
2010-08-25
123 瀏覽
今天同屋企人打完牌，屋企人話黎呢度食。因為知佢一向多人，所以今次好醒目地六點幾黎到，果然唔駛等位，但再過一陣已經full晒，當真名不虛傳。老公之前寫左個食評，員工回覆左我地，今次老公正好向這位員工道謝，店員們都好nice呢。先叫左一個大大件三文魚刺身，呢個基本上是每次必叫，一碟五件，今次三文魚五件入面有一件係寧捨細件ｄ，而且今次無之前咁肥，我地都覺得是失了水準。叉燒烏冬好大碗，單是叉燒都有四五片，同真味一貫作風一樣咁大兜，烏冬幾滑，豬骨湯頭再夾雜左魚味，叉燒厚切得黎尚算鬆化，配菜的日式魚蛋都OK，我覺得幾好味呢。蟹子沙律依舊大碟，蟹子蟹柳同沙律醬都好多，撈一撈黎食真係好正呢。芥辣八爪魚壽司同出面比絕對是加大碼，八爪魚粒好肥好大粒，芥辣味只是一般，但最失敗係紫菜唔脆。一口牛柳粒之前第一次最覺得好好食，但今次有點過咸，而且好似熟左ｄ，牛柳粒有ｄ韌，感覺呢味有ｄ撞手神先會好味。鹽燒牛舌有三串，但之前食一向好大件，今次則同其他鋪的差不多，不會特別大片。今次加左唔少既炸蒜係上面，的確係好味左，但其實最好食都係用少少鹽吊起牛舌味，結論係今次又是失色的。炒什菜很大碟，有金菇、青椒、紹菜、紅蘿蔔絲等，
老公之前寫左個食評，員工回覆左我地，今次老公正好向這位員工道謝，店員們都好nice呢。
先叫左一個大大件三文魚刺身，呢個基本上是每次必叫，一碟五件，今次三文魚五件入面有一件係寧捨細件ｄ，而且今次無之前咁肥，我地都覺得是失了水準。
叉燒烏冬好大碗，單是叉燒都有四五片，同真味一貫作風一樣咁大兜，烏冬幾滑，豬骨湯頭再夾雜左魚味，叉燒厚切得黎尚算鬆化，配菜的日式魚蛋都OK，我覺得幾好味呢。
蟹子沙律依舊大碟，蟹子蟹柳同沙律醬都好多，撈一撈黎食真係好正呢。
芥辣八爪魚壽司同出面比絕對是加大碼，八爪魚粒好肥好大粒，芥辣味只是一般，但最失敗係紫菜唔脆。
一口牛柳粒之前第一次最覺得好好食，但今次有點過咸，而且好似熟左ｄ，牛柳粒有ｄ韌，感覺呢味有ｄ撞手神先會好味。
鹽燒牛舌有三串，但之前食一向好大件，今次則同其他鋪的差不多，不會特別大片。今次加左唔少既炸蒜係上面，的確係好味左，但其實最好食都係用少少鹽吊起牛舌味，結論係今次又是失色的。
炒什菜很大碟，有金菇、青椒、紹菜、紅蘿蔔絲等，再配芝麻鼓油等炒成，但感覺很多油，雖然食到最後ｄ汁油份唔多，其實味道不錯的，這一味絕對是「菜不可以賣相」。
雞軟骨餃子貴過普通餃子幾蚊，但絕對物有所值，餃子包法也是不同，條獎的餃子更易入口。多左雞軟骨後咬落去索索聲，比起普通餃子也無咁肥膩，呢一碟可能係全晚最好食的呢。
軟殼蟹手卷是爸媽食的，佢地話呢個紫菜是脆的，如果壽司紫菜都可以脆就好了。手卷感覺軟殼蟹很大件，但沒有沙律醬，相信這一味還是元氣好食得多。
今次四個人食埋單過$400，雖然味道依舊，但感覺好似無以前抵食。不過我地下次都應該會繼續黎既。
張貼
