冧廚 (已結業)

今次返屯門食飯又估唔到呢間又幾癲吓，$158食哂雞煲丶火鍋丶韓燒，任食不特只，仲可以無限加雞😳😳，佢喺工廠區嗰面，如果唔係朋友介紹都唔會去工廠搵食，不過佢都算易去，輕鐵去到建安站行兩分鐘就到~店舖喺呢度工廠區嚟講都唔細，都有好幾張卡位，又有大枱提供😚一坐低冇耐就落咗雞煲辣度先，本人就食bb辣😝，喺等既同時，都有啲小食俾我食吓，仲要有泰式鳳爪，就梗係要夾多啲啦，夠哂酸辣，又隻隻飽滿，呢個俾錢食都願🥳由於啲雞係即炒關係，大概等十零分鐘至有得食，一開蓋，啲香味已經爆發出嚟，啲雞同佢啲汁完美咁合二為一🤤🤤，而且啖啖肉，唔會嚿嚿都係骨咁😆不過都係覺得有啲辣🥵説時那時快，好快已經食完，都係覺得唔係好夠喉，要再加雞，不過今次就要唔辣，加雞啲份量好多夠，而且冇咗陣辣味，仲食得多咗洋蔥既甜味同香味😆食完都已經飽咗八成，就直接轉去韓燒，樣樣配料都已經調咗味，所以就可以燒完就咁食，其中比目魚同豬腸我就食得最多🥴啲魚肉厚身得嚟又好嫩滑，大腸燒到外脆內軟，冇異味，夠哂肥，一咬落去已經油花四濺，過癮😆之後再有甜品可以拎，芒果布甸，牛奶布甸同豆腐花，包你一定啱食呢度真係有好多野食，$158真係抵俾，而啲服務態度又係