明洞Express (已結業)

呢間野真係好平，其他餐廳牛肋骨湯4、50蚊好細碗，但佢大大碗咁上架！其他野都好大碟。上次朋友帶我食午餐，有汽水送！原來晚餐冇架，SOSAD！呢間要先俾錢，後食野，咁都幾得意丫！好好味的牛肋骨湯。湯中有四至五件極厚的牛肋骨的肉(冇骨架！)，佢比較肥，但將D肉連埋佢D飯一齊食，牛肋骨肉的肥油融和左D飯，哇，好食到冇得頂！好好味的海鮮炸醬麵！足料，啖啖都係魷魚同蝦，最好食係個麵，超彈牙！正野！不過個紫菜飯唔好叫，難食過我媽自己包果D冇乜味又硬…呢個仲精彩！石鍋飯。通常食石鍋飯，碗底的飯焦會黏牙，但呢個係完全鬆脆，我第一次食咁樣的飯焦！不過大家要知道，食石鍋飯咪心急，最後唔郁擺佢一排先食，食做到有飯焦底架。我會去親MK都食呢間~~~~~