龍德樓 (已結業)

今次我美食博士同母親大人一齊嚟到呢間位於何文田嘅中菜：雪梨川貝燉赤肉 $28杏汁菜膽燉白肺湯 $28鮑魚花膠尚品煲 $148蝦乾排骨飯 $88西芹炒帶子 $98蒜蓉粉絲鮮魷 $98香片$3 x2首先黎兩個燉湯，啲料都幾足下，肉都多，又幾好飲，飲完成個身都好暖，冬天真係啱晒。個鮑魚花膠煲都幾多配料，鮑魚有少少腥應該係鮮鮑，啲花膠都大大塊又彈牙。個蝦乾排骨飯OK好食，雖然煲仔飯來講食唔到飯焦，但個飯都幾香嘅。至於香片佢係每杯茶杯一個茶包。埋單唔使五舊水，兩個人食咗四碟菜，每碟份量唔細，食到幾飽下，絕對係抵食。唯獨地點比較偏僻，旺角東站行過嚟需要10分鐘。