影片
更多
2018-09-13
886 瀏覽
每次一入嚟安南，都畀嗰種食物香氣吸引住 !今次試咗推出無耐嘅Lunch Chef Recommendations，揀咗三個餐同朋友share。好多時行高檔少少路線嘅餐廳都係貴夾唔飽，但安南係其中一間食物份量令我飽足嘅餐廳。 XD前菜係 鮮蝦豬肉米紙卷 & 青芒果木瓜沙律餡料好豐富，中間個醬汁係越南人慣用嘅醬汁，不過我就麻麻哋鍾意啦～炭燒香茅豬扒配炒飯唔好講笑呢個真係超大份，有兩大塊扒，我哋忍唔住問店員係咪畀多咗XD豬扒好香，夠晒入味，而且本身都好鍾意炭燒風味，係略嫌乾咗少少。炒飯夠濕潤，好味。會安雞飯雞肉好滑超滑，又係份量十足，食極都仲有LOL相比炒飯，我更鍾意食呢個黃薑飯～南越香茅咖喱石斑魚柳同行朋友係「法包holic」，猛咁話好好食，連咖喱都唔使蘸！雖然唔太好魚，但呢個魚柳我都好鍾意，鮮嫩滑溜。咖喱辣度啱啱好。見到上面嘅份量，就知我哋已經好飽...但係店員極力推薦我哋試吓焗黑糯米西米布甸 ，就嗌一份share啦，點知......又係大份到嚇親我哋！LOL 因為本身以為一個細細嘅杯，原來仲大過我手板！不過熱辣辣咁食黑糯米真係好正，感覺好養顏哈哈！唔好睇少第二個胃，最後我哋都係清晒～呢
今次試咗推出無耐嘅Lunch Chef Recommendations，揀咗三個餐同朋友share。
好多時行高檔少少路線嘅餐廳都係貴夾唔飽，
但安南係其中一間食物份量令我飽足嘅餐廳。 XD
前菜係 鮮蝦豬肉米紙卷 & 青芒果木瓜沙律
餡料好豐富，中間個醬汁係越南人慣用嘅醬汁，不過我就麻麻哋鍾意啦～
炭燒香茅豬扒配炒飯
唔好講笑呢個真係超大份，有兩大塊扒，我哋忍唔住問店員係咪畀多咗XD
豬扒好香，夠晒入味，而且本身都好鍾意炭燒風味，係略嫌乾咗少少。炒飯夠濕潤，好味。
會安雞飯
雞肉好滑超滑，又係份量十足，食極都仲有LOL相比炒飯，我更鍾意食呢個黃薑飯～
南越香茅咖喱石斑魚柳
同行朋友係「法包holic」，猛咁話好好食，連咖喱都唔使蘸！
雖然唔太好魚，但呢個魚柳我都好鍾意，鮮嫩滑溜。咖喱辣度啱啱好。
見到上面嘅份量，就知我哋已經好飽...
但係店員極力推薦我哋試吓焗黑糯米西米布甸 ，就嗌一份share啦，點知......
又係大份到嚇親我哋！LOL 因為本身以為一個細細嘅杯，原來仲大過我手板！
不過熱辣辣咁食黑糯米真係好正，感覺好養顏哈哈！
唔好睇少第二個胃，最後我哋都係清晒～
呢個set仲有一杯嘢飲，不過因為比較一般，就唔詳講啦。
不過都係非常滿足嘅一個午餐！
返到公司幾乎企足一個下晝去消化XDD
張貼
