The FOOD FACTORY (已結業)

聽講呢度開咗間新嘅西餐廳 就同朋友嚟試一試 行完街好肚餓嘅我哋 一人叫咗一個 一人套餐 朋友揀牛扒 配巨峰提子沙冰 佢個set上先 一眼望到牛扒嚇一嚇 因為勁大塊 食肉獸見到一定好開心 但係我冇食 所以就平價唔到個味道啦 不過朋友就話ok跟住就講戲肉 我叫咗豬鞍扒伴菠蘿 當然照舊係好大件啦 豬鞍扒整得剛剛好熟 唔會鞋 而且仲有肉汁 肉係超厚嘅 食落勁有滿足感 加埋塊甜甜酸酸嘅菠蘿 感覺好fresh 平衡得好好 配埋一杯藍蝶蘋果果茶 上面加咗一塊檸檬 又係甜甜酸酸 而且紫藍色嘅賣上超靚 食得賞心悅目本身大食嘅我哋 另外叫咗碟水牛城雞槌 一樣係啖啖肉 要讚佢個醬汁 個味一樣係酸酸辣辣咁 但又唔會做得太濃味 就咁食都輕鬆解決另外要讚一讚服務態度 我哋叫嘢食嘅時候有少少困難 熱店員都非常樂意幫我哋去解決 表示欣賞 呢間可以encore