越一越南牛肉粉專門店 (已結業)

粉嶺中心進行大翻身，新開嘅一間越南餐廳，吸引左我哋去食晚飯。薄荷綠色主題裝修好靚，有卡位坐得好舒服。去食越南野點可以唔叫"生牛肉湯河粉"，睇個湯底既色已經知道一定好味，牛肉湯味道香濃，白蘿蔔入味無渣，飲埋d 湯都唔覺口乾。海南雞飯無骨，雞肉嫩滑，啖啖肉好正！而且三種醬汁各有特色，配油飯一流呢。叫有碟馬拉盞炒通菜，上菜時嚇一嚇，好大碟！流心芝士蝦多士脆口鬆化。兩個人食咗二百幾蚊，晚餐價錢真係比同區性價比高！值得再去！