生記菜館 (已結業)

與友人一同到廟街的生記吃飯, 之前曾好幾次大排長龍到另一間和某大酒店同名的煲仔飯店, 但水準每況愈下, 今次就試另一間吧!今次叫了蠟腸排骨煲仔飯, 豉椒鯇魚腩煲仔飯, 炸蠔餅, 蒜蓉炒西蘭花, 椒鹽九肚魚, 椒絲腐乳通菜, 窩蛋牛肉飯, 蠟腸雞煲仔飯, 濕炒牛河...抱歉其實掛住食無影太多相, 最值得一讚係個蠔餅!! 個蠔餅好鬆脆!! 配個甜酸醬好好味!! 雖然正宗係配魚露, 其他檔檔都係配魚露, 但其他檔大部份都偏咸, 再加魚露就咸上右咸了!! 友人問道, 那間著名大排長龍煲仔飯店說明是鴨蛋蠔餅, 所以特別香特別好味, 但這間也不俗呀!! 其中一個食家朋友說道, 蠔餅一定係用鴨蛋的, 只是別人沒有大字標明吧? 但總之這裡的蠔餅確實值得推介.煲仔飯煲得剛剛好, 沒有太多的飯焦, 每煲可能有一兩啖咁, 但對我來說just meet! 牛肉及雞肉嫩滑, 排骨及蠟腸可惜太肥, 炒牛河好夠火候, 而且好味又大碟. 椒絲腐乳通菜及蒜蓉炒西蘭花都很夠火候並入味. 椒鹽九肚魚嫩滑, 但魚皮都還在, 有少少有礙觀瞻, 但味道也很好. 衛生情況很好, 店員全都好友善, 我下次會再來.