初心冰室 (已結業)

旺角行街行到差不多時間，搵間食店食個飯飯，見到呢間相對平，晚餐價錢由$68-$118不等，就試一試！除左主菜外，每個晚餐都跟餐湯、餐包同餐飲兩個餐開心share！首先來個餐湯同包，有紅白兩湯揀，包係有乾果嘅包！香煎鵝肝芝士牛肉漢堡 ($118)呢個配搭ok喎，鵝肝軟熟，同咩都覺得好配！而麵包連皮都用牛油烘過，係誠意之作！烤美國穀飼西冷扒配黑松露野菌汁，加薯菜 ($88)呢個係成塊面咁大嘅牛扒，大得有啲誇張，牛扒7成啱火喉，味道不錯！加$10換左個邪惡嘅白牛white cow，見英文完全知佢係咩，即係7-up with vanilla ice cream