漢堡佬 (已搬遷) 新店位置

一直都好鍾意漢堡佬既芝士牛肉漢堡，雖然鋪頭細細間加上只做外賣，但佢哋漢堡嘅非常有水準同誠意。今日諗住再去食過，先發現原來除咗漢堡，佢哋都有意粉提供。所以就決定今晚晚餐食佢哋嘅黑松露大蝦意粉。意粉份量十足，連大蝦都有好多隻，睇賣相都已經非常豐富。馬上試下先，好有驚喜，大蝦煮得啱啱好，完全唔會乾，更加唔似出面急凍過嘅蝦，有種雪藏味。黑松露味都非常突出，加上白汁，成個意粉味道變得好有層次。咁大份又咁好食都只係$58，我忍不住諗餐廳咁樣，會唔會蝕錢😂