馬六

營業中

休息中

兩個人去食飯，梗係要叫一份二人套餐佢嘅2人套餐B，首先上嚟嘅係酸辣鳳爪，鳳爪新鮮又唔太辣，酸酸辣辣嘅味道好開胃。之後嚟緊嘅係娘惹炸鮮奶，外脆內軟，一咬就流出鮮奶嘅香甜，真係令人回味。無骨海南雞係我哋最喜歡嘅一道菜，雞肉鮮嫩多汁，配上三種特製醬汁，香氣四溢。馬拉盞龍角豆炒得好香，帶有微微辣味，好開胃，而且龍豆角平時喺香港好少見，今次見到真係好難得。飲品方面，我揀咗凍桔仔話梅水，口感清新，微甜微酸，少甜少冰更加解渴。另一杯凍馬來桔仔紅茶，可以走甜，香茶味道濃郁，飲落超過癮。