茶泰 (啟田商場)

營業中

休息中

之前去啟田商場見開咗呢一間新嘅泰國菜，我就去咗食下午茶🥄。佢嘅下午茶都有好多唔同種類嘅食物，除咗焗飯外，都有炒麵、炒飯或者其他小食等等，都算幾多選擇。咁我自己就叫咗呢個迷你黃咖喱牛肉焗飯🍛配炸豬皮。迷你黃咖喱牛肉焗飯 ＄38本身呢都會擔心下午茶分量少啲，點知上菜時候發現焗飯係好大兜，唔係迷你😨。如果食咗lunch嘅話呢應該唔會食得晒成兜焗飯嘅，一係要兩個人share一齊食啦。咁最重要係黃咖喱，帶有少少辣，牛肉🐮就係以牛肉碎上，見佢鋪晒係焗飯面頭。咁你會見到焗飯上面再加多層芝士🧀，令到成個焗飯更惹味同好飽。炸豬皮🐷加錢嘅小食，份量多，同朋友share啱晒。不過豬皮可以炸得更脆／配汁可能更好。