洛奇冰室 (已結業)

一向都鍾意食貼地嘅冰室美食，今次放工黎到登龍街，同朋友一齊食下港式冰室😋🔹芝士肉醬牛扒焗意粉 🍝 $72鋪滿濃濃嘅芝士肉醬，仲有大大塊嘅牛扒，岩曬鍾意食焗意粉嘅朋友！牛扒食落唔鞋，而且冧身，都屬性價比之選。🔹日式咖喱吉列豬扒蛋包飯🍛 $65大大碟嘅蛋包飯，豬扒炸到金黃香脆，配上咖喱味道更佳！咖喱食落唔會辣，但味道香濃。🔹瑞士汁雞脾 $32瑞士汁雞脾食落入味，肉質彈牙，雞脾唔會好細隻，都可以試一試！🔹港式懷舊西多士 $28呢個西多士炸到金黃香脆，食落有少少檸檬嘅香味，呢點真係有驚喜！西多咬落去仲有粒粒花生粒🥜，值得推薦！