影片
更多
2019-06-03
781 瀏覽
深水埗出面好多平民野食,其中一樣就係粉麵舖啦.我地叫左一個秘製新鮮牛腩河同五香牛筋河,另外加多一個新鮮炸魚皮,同一杯熱檸水.牛腩河賣相好傳統,河粉上鋪滿肥美肥牛腩,配上炸蒜同蔥. 河粉好細好滑,滑入口咁濟,牛腩肥得黎都多肉,個人就好鍾意個牛腩湯唔會好濃同重味精味,所以食完都唔會渴. 份量都幾多,一定食得飽!同牛腩河一樣,牛筋河都一樣咁大份,牛筋十分之淋又滑,個人鍾意牛筋河多D,因為清D,無牛腩咁膩.整體2樣味道好傳統好食!魚皮係佢自己新鮮炸既,所以魚味十足,而且唔會多調味,又唔會油膩,好食!價錢又平民價,岩晒Lunchtime個陣食.
張貼
