Golem Craft Beer (已結業)

我都明白依家生意難做，但係咁嘅質素真係頂唔順。叫咗個大蝦橄欖油意粉，外賣9折完$67.5，包嘢飲。一打開份量已經少，唔講以為人地食剩半盒。兩隻蝦半盒意粉加幾條豆。一食落口，啲意粉好硬，好似冇煮過咁。我都知係橄欖油意粉，但係每條意粉都包住層橄欖油，食一啖已經成嘴都係油。隻蝦都ok，唔霉。食咗半盒油𣺉𣺉嘅生意粉已經胃痛食唔到落去，咁就收我$68.5(外賣盒加$1)。呢個真係好簡單嘅意粉，都可以整到咁伏，希望店舖可以改善吓。