東成茶餐廳 (已結業)

今日大佬帶路食好西 之前已經不停話比我哋知佢屋企附近間街坊小炒非常出色大佬同老闆娘好熟，老闆娘毫不吝嗇咁推介左自家釀制嘅梅酒比我哋用左雙蒸酒+日本梅酒浸左差唔多2年味道甜甜哋，好易入口不過對於我嚟講酒精濃度都幾高，好快就面都紅哂所以唔可以飲得太急！醉雞鍋呢個醉雞鍋非常足料，黑糯米酒&藥材酒令個湯特別甜烹煮時蒸發咗酒精，味道香濃帶甜味而家天氣涼涼哋，飲完即時暖身避風塘鮑魚用左蒜頭、辣椒爆炒，辣得好惹味不過鮑魚煮得耐咗啲，口感偏韌～～芝士汁澳洲龍蝦煎米粉龍蝦肉夠哂肉感口感富有彈性！味道好鮮甜，煎米粉煎得好香口，唔會完全被芝士汁浸淋哂