影片
更多
2019-03-29
54 瀏覽
記得早幾年第一次黎，係因為俾呢度既抹茶pound cake🍵🍰同抹茶玫瑰latte🍵🌹吸引，個時只係$18同$50。pound cake會焗返暖暖地先上碟，再加埋cream同紅豆，食落回甘而且甜度低，食完唔會好溜。latte用上小山園抹茶粉真係好濃，茶味回甘而不苦澀，亦唔會搶左玫瑰既味，甜度亦低，能夠突出抹茶同玫瑰花味，抹茶既甘味配上玫瑰既幽香，兩者balance得非常之完美！至於意粉同risotto就麻麻地。事隔幾年再幫襯，真係差左又貴左好多！野飲明顯淡左⋯⋯佢賣相俾以前靚好多，但只係虛有其表。同朋友黎到想叫海鮮既main course，佢話無海鮮，想加錢跟set，佢話無湯🙄🙄🙄見人話試過要乜無乜，今次到我中伏。最後計落就算跟set無湯，叫野飲點都平過就咁單點，好彩佢都有返啲良心，話個湯可以轉沙律俾我地。我地最後揀無可揀之下，揀左xo醬天使麵同忌廉芝士紫椰菜貓耳朵。個天使麵presentation整到好似啲高級西餐廳咁，但食落好似廣東麵鋪啲xo醬撈蛋麵⋯⋯重要油到⋯⋯睇幅相都見到勁多油係底，味道唔難食，但收$128俾啲咁既質素，真係接受唔到。個貓耳朵等到我哋食晒個天使麵都未上菜，黎到
佢賣相俾以前靚好多，但只係虛有其表。同朋友黎到想叫海鮮既main course，佢話無海鮮，想加錢跟set，佢話無湯🙄🙄🙄見人話試過要乜無乜，今次到我中伏。最後計落就算跟set無湯，叫野飲點都平過就咁單點，好彩佢都有返啲良心，話個湯可以轉沙律俾我地。
我地最後揀無可揀之下，揀左xo醬天使麵同忌廉芝士紫椰菜貓耳朵。個天使麵presentation整到好似啲高級西餐廳咁，但食落好似廣東麵鋪啲xo醬撈蛋麵⋯⋯重要油到⋯⋯睇幅相都見到勁多油係底，味道唔難食，但收$128俾啲咁既質素，真係接受唔到。
個貓耳朵等到我哋食晒個天使麵都未上菜，黎到食落重要唔熱，只係暖暖地，啲汁水汪汪，似水加油既mixture多過似芝士忌廉，收$92得幾舊紫椰菜花同幾粒車厘茄⋯⋯
同埋兩碟都好細份，朋友同我都唔夠飽，最後叫左個香蕉窩夫配焦糖雪糕$76，味道普普通通，得某幾舊香蕉有焦糖脆面。
咁既價錢俾啲咁既質，以後唔再黎！
張貼
