美心皇宮 (已結業)

假期去飲茶，仲以為好多人，一早去等位，但意料之外的少人，不用十五分鐘，等左十幾張就有位，仲係大檯添。呢度幾大，好多檯，係阿嬸推點心車而唔係剔紙仔，所以感覺是好耐都無點心食，但都有好處，就係找回飲茶應有的閒悠，而唔係一窩蜂式的吃點心。點心種類也不在少數，想吃的都有。連大包也有，當然要拿一個。包夠大，餡又夠豐富，可惜大包的靈魂外皮卻做得薄而硬，沒有應有的鬆軟口感，失敗。甜品都有一車咁多，琳瑯滿目，還是還原基本步，叫了焗西米布甸。不是用玻璃碗，而是用了一個瓜型盛器來裝，上面當然是例牌半粒紅色車厘子。焗得香，不過就幾多蓮蓉，略嫌甜了少少。不過焗西米布甸也算是美心皇牌甜品點心之一，次次都叫。十個人，埋單九百幾，吃了不少的點心，算絃抵。