影片
更多
2004-06-13
13 瀏覽
由於初次到境，唔熟架步，晨早向食家們“羅”料，謝謝。一心即興帶同太上老君尋找昔日風味，提起灌湯餃時，總少不了「鐵片」二字，但對我黎講，真係唔知咩ｏ既一回事，亦因為咁想「見識」一下．．．擔心無位子，星期日ｏ既大清早已就緒（其實成晚打機打到洽著，都無乜點ｏ訓），去到ｏ既時候，望下個鐘只是八點九，明顯地連鳳城伙計都未預備好（制服未穿，燈還未開哂．．．），似乎應該係開九點喇，上到去有很多「吉」檯，任君選擇，既然咁早黎咪嘆多幾杯茶咯。不消半個鐘，已坐滿客喇，第一籠ｏ既點心就係：大包：云云點心，這個一定係我個人推介（可能真係「新大包即日香」），我這個大鄉里第一次「見面」，除左多多少少因為肚餓，同埋熱辣辣關係，再加上入面ｏ既冬菇、肉、叉燒、咸蛋黃．．．餡，砌成一個「大」字，真的幾犀利呀！咸水角、豆沙角、九菜餃：香口野，好香脆，小心淥口。太上老君話，咸水角裡面有菜甫，其他店子未必有ｏ架喎，向來我哩個食物焚化爐，真係無乜點留意喎！盅飯：一心以為佢地會用鐵盅，點知來一個瓷盅，有點兒失望添～味道一般。灌湯餃：真係辦事不力喇，原來太子鳳城係無「鐵片」ｏ架，只是一個透明碗．．．唉，令老人家失望添！話雖如此，都無
一心即興帶同太上老君尋找昔日風味，提起灌湯餃時，總少不了「鐵片」二字，但對我黎講，真係唔知咩ｏ既一回事，亦因為咁想「見識」一下．．．
擔心無位子，星期日ｏ既大清早已就緒（其實成晚打機打到洽著，都無乜點ｏ訓），去到ｏ既時候，望下個鐘只是八點九，明顯地連鳳城伙計都未預備好（制服未穿，燈還未開哂．．．），似乎應該係開九點喇，上到去有很多「吉」檯，任君選擇，既然咁早黎咪嘆多幾杯茶咯。不消半個鐘，已坐滿客喇，第一籠ｏ既點心就係：
大包：云云點心，這個一定係我個人推介（可能真係「新大包即日香」），我這個大鄉里第一次「見面」，除左多多少少因為肚餓，同埋熱辣辣關係，再加上入面ｏ既冬菇、肉、叉燒、咸蛋黃．．．餡，砌成一個「大」字，真的幾犀利呀！
咸水角、豆沙角、九菜餃：香口野，好香脆，小心淥口。太上老君話，咸水角裡面有菜甫，其他店子未必有ｏ架喎，向來我哩個食物焚化爐，真係無乜點留意喎！
盅飯：一心以為佢地會用鐵盅，點知來一個瓷盅，有點兒失望添～味道一般。
灌湯餃：真係辦事不力喇，原來太子鳳城係無「鐵片」ｏ架，只是一個透明碗．．．唉，令老人家失望添！話雖如此，都無失場，湯是清清的，大大粒瑤柱，亦無出面店子果ｏ的多多肉碎，一patpat咁核突，蠻好！辣醬：哩到ｏ既辣醬，係太極式芥醬跟豆板醬，係我多年黎去其他茶樓已經絕跡了，不禁跟它拍番張「肉照」！（我真的夠大鄉里喇～）
其實叫了很多點心，老實講，水準只屬一般。出點心ｏ既時間，頭一轉同第二轉相隔好耐，攪到ｏ的人「餓」點心咁，一有點心出就即「搶」。有其好處壞處，好的，每款點心都係新鮮滾熱辣限量供應；壞的，食客等點心ｏ既時間耐左。不過咁，香港人性格，係要「搶」下先會好味一點。不經不覺己坐了數粒鐘，最尾還試了「脆皮龍江雞」半隻（$50），我地一致認為是日最「精彩」ｏ既一味，好好味之餘我又覺得幾抵食喎，不妨一試丫～
其實係想試焗西米布甸（我至愛），但等到成十二點幾走人都未見蹤影，真係有點失望！有冇人試過呀？知唔知係咪晏晝先有，定係其他分店先有哩？茶客陸續有，真的旺到笑！但對我黎講，太子哩間唔係真的咁「原始」，確實有點失望，唯有冀望北角／上環或中環蓮香啦！
張貼
