焼き鳥。来 (已結業)

行經大南街，聞到陣陣嘅燒烤味，原來開咗間日式串燒外賣店，見到師傅好專業地燒串燒已經好加分，加上啲燒烤味太香，忍唔住要買幾串試下 🍢日本雞尾串通常係日本嘅燒鳥店，燒雞尾都係人氣之選，因每隻雞先得一隻尾，係矜貴稀少部位啊，所以我必叫黎食，師傅掌手控得火喉唔錯，燒出來嘅香又juicy，腍腍軟軟又有彈力，全沒羶味，值得推介！🍢雞胸脆骨胸骨口感又爽又脆，外圍帶有少少嫩滑雞肉，質地煙韌又嚼勁，唔識點形容，總之好好食！🍢豬頸肉串入口爽滑彈牙，搽上燒烤醬汁燒，好入味🍢牛肉串牛肉面層用黑椒粒調味，辣辣地幾惹味🍍焦糖燒菠蘿好有驚喜，估唔到咁大份，外層灑上足夠嘅糖燒成焦糖，經燒過嘅焦糖菠蘿水份被蒸發，顏色鮮艷，聞起來好香濃，外層香脆，入口十分多汁，果味更香甜整體黎講都值得一讚，不論食物味道和包裝，製作都好認真😊會再幫襯