焼き鳥。来 (已結業)

我成日都會去大南街行下文青店，食下餃子。近來都會見到有一間比較新潮啲嘅日式串燒店，其實我都想試好耐，今日的起心肝，同老婆去嗰間叫幾串串燒試吓。我哋叫咗幾串：雞皮、雞腎、雞軟骨、雞脆骨、雞全翼同埋京蔥雞肉，全部都係雞。啲師傅即叫即燒，燒出嚟香味十足。我哋喺街邊都只係等咗一陣就有得食。隨串燒附送一包辣味粉。我哋怕熱氣，所以冇落，不過落埋應該更加之有風味。間鋪係冇得坐低食嘅，都係做外賣。但係我哋急不及待，行埋一邊就即刻食。啲串燒非常惹味，火候十足，亦都食得出食材非常新鮮。啲雞皮煙韌，雞軟骨超爽，啲雞肉都好鮮嫩。串燒令人非常開胃，即刻胃口大開去附近食埋個晚飯。總括來講，非常值得推介，下次再同朋友買幾請帶埋啤酒過嚟食。