金記冰室 (創紀之城五期(apm)) (已結業)

新一年，發現apm有新食肆金記冰室，於是一家人夜晚去開餐試吓。夜晚觀塘工廠區嗰頭，大家都收工，會靜啲，不過apm都係會好旺，所以都要等一陣先至有得入座。冰室賣嘅除咗一般茶餐廳食物， 都有一啲好特色嘅選擇作招徠，滿足唔同口味，例如金記招牌煎烏冬($68)，可以話係一個意料之外嘅組合，幾塊三角形，賣相仲以為係煎餅，但裏面已經包含咗烏冬同埋配菜，以蛋漿混合，一片片上碟 非常特別，蛋香一流，可以按個人口味加茄汁、胡椒粉、鹽等等，令烏冬不再平凡。淨係食烏冬好似有啲寡，於是搖身一變做個食肉獸，點個鐵板美式雜扒($78)，一碟有齊牛肉、雞肉、豬肉、腸仔、煙肉，可以配飯、意粉或薯菜，調味汁有紅酒燒汁、蒜蓉汁、黑椒汁。鐵板熱辣辣，調味汁可以請侍應幫手倒，亦都可以自己淋， 不過因為餐桌都偏細，小心啲汁濺去對面位。肉嘅份量相當足夠，幾款扒都煮得唔錯唔會太韌，不過隻碟比較細小，切起上嚟，都考功夫。加埋個煮得恰到好處嘅 意粉，可以同屋企人一齊share食。鐵板係晚餐set，加多$10，可以轉特飲，轉咗蛋白杏仁茶。侍應拎杯飲品過嚟嘅時候，都好細心，特意提一提杯身好熱；的確係燙熱嘅滾，如果同檯有小朋友嘅話，更加要小